Version 1.0 — 28 shtator 2026. Ky tekst përshkruan praktikat reale të aplikacionit dhe të kësaj faqeje. Rishikimi ligjor përfundimtar mbetet i rekomanduar.

Kush jemi

BIOHARTA është një hartë zbulimi e prodhuesve vendorë në Kosovë, e ofruar nga Habitat L.L.C. Kontakti për çdo pyetje mbi të dhënat: hello@bioharta.com.

Parimi

Mbledhim sa më pak të dhëna — vetëm aq sa duhen që aplikacioni të funksionojë. Shfletimi, kërkimi dhe kontakti me prodhuesin nuk kërkojnë llogari.

Çfarë mbledhim dhe pse

Emaili ose numri i telefonit — vetëm nëse krijon llogari. Përdoret për të të kyçur (kod njëpërdorimësh ose fjalëkalim) dhe për njoftime thelbësore.
Emri që shkruan vetë — shfaqet te llogaria jote.
Fjalëkalimi — nëse vendos një të tillë, ruhet vetëm i koduar (scrypt). Nuk e shohim dot.
Prodhuesit që ruan — që të jenë aty kur kthehesh.
Token njoftimesh — vetëm nëse i lejon njoftimet. Fshihet kur dilesh ose i çaktivizon.
Lokacioni — opsional. Përdoret në momentin e kërkimit për të llogaritur distancën. Nuk ruajmë histori lokacioni. Aplikacioni punon edhe pa këtë leje.
Të dhënat e fermës — nëse regjistrohesh si prodhues: emri i biznesit, kontakti, lokacioni dhe produktet që liston. Këto janë publike, sepse qëllimi i tyre është pikërisht të gjenden.
Forma e kontaktit në këtë faqe — emri, emaili, telefoni (nëse e jep) dhe mesazhi, që të përgjigjemi.

Çfarë nuk bëjmë

Nuk shesim të dhëna. Nuk i përdorim për reklama dhe nuk i ndajmë me reklamues. Nuk procesojmë pagesa dhe nuk mbledhim të dhëna karte. Kur telefonon ose shkruan në WhatsApp, dilni jashtë aplikacionit — ato biseda nuk i shohim dhe nuk i ruajmë.

Kush i përpunon në emrin tonë

Supabase — baza e të dhënave, ruajtja e fotove dhe serveri i aplikacionit (rajoni i BE-së).
Resend — dërgimi i emaileve të kyçjes dhe njoftimeve.
Expo — dërgimi i njoftimeve push.
Namecheap — hostimi i kësaj faqeje interneti.

Sa gjatë i ruajmë

Të dhënat e llogarisë ruhen sa kohë që llogaria ekziston. Kodet e kyçjes skadojnë brenda 10 minutash. Mesazhet nga forma e kontaktit ruhen deri në 24 muaj.

Të drejtat e tua

Mund të kërkosh qasje, korrigjim ose fshirje të të dhënave të tua, si dhe një kopje të tyre. Fshirja e llogarisë bëhet vetë brenda aplikacionit: Profili → Llogaria → Fshi llogarinë. Ajo heq përgjithmonë emrin, kontaktin, të ruajturat dhe njoftimet nga serverët tanë. Për çdo kërkesë tjetër: hello@bioharta.com.

Fëmijët

BIOHARTA nuk u drejtohet fëmijëve nën 13 vjeç dhe nuk mbledh me vetëdije të dhëna prej tyre.

Ndryshimet

Nëse e përditësojmë këtë politikë, do ta ndryshojmë datën në krye dhe, për ndryshime thelbësore, do të njoftojmë brenda aplikacionit.

Privatësia